Szegedin, Segedin | |||
---|---|---|---|
| |||
Koordinate | 46° 15′ N, 20° 9′ O | ||
Symbole | |||
| |||
Basisdate | |||
Staat | Ungarn | ||
Szeged | |||
Höchi | 75 m | ||
Flechi | 280,8 km² | ||
Iiwooner | 161.921 (2014) | ||
Dichti | 576,6 Ew./km² | ||
Poschtleitzahl | 6710, 6720-6729, 6753, 6757, 6771, 6791 | ||
Website | www.szegedvaros.hu | ||
Politik | |||
Burgermeischter | László Botka (MSZP) | ||
Szeged ùnd d'Theiß
|
Szeged (ungarischi Usssprooch: ˈsɛgɛd, ùf Dütsch S(z)egedin, ùf Sèrbokroatisch Segedin/Сегедин, ùf Latinisch Partiscum ùnd ùf Idaliänisch Seghedino) isch e Stadt ìm Sǜǜde vò Ungarn ùnd de Komitaatssìtz vò Csongrád. Es isch noch Budapest ùnd Debrecen di drittgröschti Stadt vò Ungarn, di gröschti Stadt vò de Große Ungarische Diefeebeni ùnd eins vò de sììbe regionale Zändre vòm Land.
S Gèbiet vò de hǜtige Stadt isch sitt de Neusteizitt bèwohnt, erwähnt wìrd Szeged zùm èrschte Mool ìm Johr 1183. Ùnder em Chönig Lajos Nagy hät si sich züe-n-re bèdüttigsriiche Stadt èntwìckelt, ìm Johr 1498 isch re de Titel Freii Chönigsstadt verlìhe wòre; woo di tǜrkischi Herrschaft vorbii gsìì isch, hät Szeged dää Titel 1715 zrùckgriegt. Am 21. Mai 1719 hät's sii bìs hǜt gǜltigs Wappe griegt. Au vili wichtigi Ereignìss ìn Zämmehang mìt de Rèvolutione ìn de Johr 1848/49 sìn doo gsìì.
Ìn Bèzùùg ùf s Bìld vò de Stadt isch s Hoochwasser vò 1879 z erwähne: wiil de Grooßdeil vò de Gèbäude zerstöört wòre isch, sìn di meiste vò de hǜtige nooch em Hoochwasser baut wòre. Nooch em Verdraag vò Trianon hät Szeged au d'Ròlle vò-n-re mänke vò Ungarn abdrännte Stadt ǜbernoh, was sinni Bèdüttig no witter gsteigert hät. Zù de Zitt vòm Sozialìsmùs isch's e Zändrùm fǜr d'Schwèèr- ùnd fǜr d'Läbesmìttelìndustri wòre; hǜt no ghöört d'Läbesmìttelìndustri zù de wichtigste Branche z Szeged. Ùsserdèm isch's e kùlturälls Zändrùm ùnd di ungarischi Univèrsitäätsstadt mìt de qualitativ bèste Univèrsitäte vò Ungarn.
© MMXXIII Rich X Search. We shall prevail. All rights reserved. Rich X Search